صابلي القهوة والشكولا من الذ ما تتذوقون

سلام عليكم ورحمة من المولى وبركات
هذا الصابلي من ألذ ما أحب خاصة أني درتو في عرسي وبقيت كل مرة نغير شكلو وطريقة تزيينه



للتزيين يلزمنا :
شكولا بيضاء فيجيكاو او تاع الحبيبات
شكولا اسود او بالحليب
نذوب كل واحدة على حدى دون اي اضافات على حمام مائي
ونفرغها في قوالب ونخليها تنشف جيدا





عجينة الصابلي:
500غ مرغرين طرية ...200 غ سكر ناعم ...2 صفار بيض ...50غ قهوة سريعة الذوبان
100غ كاكاو ...كاس لوز محمص ومرحي من الأفضل ناعما جدا
الفرينة حسب الحاجة ونصف كيس خميرة الحلويات

التحضير:
نخدم مليح الزبدة مع السكر



نضيف البيض ونواصل الخفق


نضيف القهوة سريعة الذوبان ممكن ترحيها اذا أحببت


نضيف الكاكاو وكاس مكسرات ونخلط جيدا



واخيرا نزيد الفرينة المغربلة والخميرة

حتى نتحصل على عجينة طرية نسبيا لأن الكاكاو يخلي العجين تنشف بالخف
نحل بالحلال ونطبع بالشكل لي يعجبك



ندخلها للفرن المسخن مسبقا 180 درجة مع المراقبة ثم نخليها تبرد مليييح

تحضير الكريمة:
نضرب جيدا 250غ مرغرين بالباتور مع 4 م ك كرمال ونتركها جانبا

نضرب 2 بياض بيض على حمام مائي مع 100غ سكر ناعم
ثم نمزج الخليطين الاول والثاني نتحصلو على كريمة زبدة خفيفة ولذيذة جدا

نلصق بها حبات الصابلي ونخليها تشد روحها شوية

نذوب الشكولا خليط بين الاسود والشكولا بالحليب على حمام مائي
لما تذوب نضيف القليل من الماء المغلي تاع الحمام
راح تتكتل الشكولا ما تخافيش ابقي تزيدي في الماء المغلي بالملعقة مع التحريك جيدا
حتى تتجانس الشكولا وتصبح ناعمة وتلمع خليها لثوان بسيطة ثم غلفي بها حبات الصابلي









وقبل ما تنشف الشكولا نضيف الاشكال لي خدمناها مع مسحة خفيفة بالملمع الناعم





اتمنى ان تروقكم هذه الحلوى اللذيذة وان تستفدن

في حفظ الرحمن

صابلي القهوة والشكولا من الذ ما تتذوقون