السلام عليكم و رحمة الله
واحد الأفكار هايلين على الدونتيفريس، والله غير تقدري تخدمي بيه بزاااف حوايج ماشي غير تغسلي بيه سنيك،
حلي عينيك ،
نبداو باسم الله:
1/كيم تاكلي الحوت ولا الساردين والجاج مشوي، تبقى هديك الريحة المزفرة في يديك، ااااعععععع، واش الديري يا الشطورة، تحكي شوي دونتيفريس على يديك وحكيهم شوي بيه واغسليهم عادي يوليو يتنفسو تع¨ول درتيلهم ماسك. إنتعاس روووعة.
2/ لي ليناط تاع لي ناجور يعني النوادر تاع الغواصين ، أو ليو لي تروحو تشريو وحايد جدد وتخسرو دراهمكم ، وعلاش عليكم رانا في سياسة التقشف، تحكمو هدوك الع¨دم لمضببين تحطو عليهم شوي دونتيفريس وتحكوهم بالعقل ومن بعد تغسلوهم عادي يوليو جدد، عمبالكم هدي الخدعة يديروها الغواصين ويعرفوها سرقتها منهم وجبتهالكم خاطر نحبكم تكونو مثقفين من كل النواحي ، الله الله.
3/نجيو للمرة اللي عندها الدراري صغار ، واش يتشيطنو ويخربشو على الحيوط يردوهم يبهدلو، والضياف إدا جاو وبداو يشغلو ماشي رايحين يع¨ولو لولاد صغار رايحين يحصلوها فيك ويع¨ولو خامجة ومعفونة، ماتعطيهمش الفرصة، وحطي شوي دونتيفريس في طرف قماش وحكي بيه التخربيش اللي في الحيط يتنحي وينضافلك يولي هايل.
4/نجيو درك للمامات الجدد، اللي عندها بيبي صغير ونهار كامل وهي تعمرلو في البيبرون حتى تولي فيه ريحة ماشي مليحة يا لعزيزة، تقدري ديري شوي دونتيفريس وبالبغوسادون تحكي البيبرون تاعو وتشليه مليح تتنحى منه هديك الروايح بكل.
5/ياللي معروضة للعرس وتحوسي الدهب و الديامون تاعك يولي يبرق وماعندكش باش تشلليه عند الصايغي، أحكمي الدونتيفريس والبغوسادون وحكي الدهب تاعك وشليه قبل ماينشف عليه الدونتيفريس ، يولي جديد ومالبروقية بزاف يعمي العينين، هههههههه
6/لي طاش يا الحنونة اللي يطاشاو بيهم الحوايج تقدري ،بكل سهولة تحطي الدونتيفريس على الطاشة وتحكيها مليح ومن بعد تغسليها عادي تروحلك كل الطاشات وحتى تاع الغوجآلاع¤غ ، بصح لازمك تتولهي مالدونتيفريس اللي فيه نسبة كبيرة مالمادة اللي تبيض السنين ، على لحوايج الملونين قادر يهلكهملك.
7/نجيو للتقب اللي في الحيط، نهار كامل وانتوما تنقبو في الحيوط وتبدلو بلايص لي كادر رديتو لحيوط سياير ، ههههههه، باش يتسترولكم هدوك الثقب تقدرو تحطو فيهم الدونتيفريس وتخليوه ينشف عادي يوليلكم الحيط نيع¤و.
8/كيم تغسلو الپاغپخيز تاع الطوموبيلات بالصابون وحده يخليهم مضببين، بصح كيم تزيدو شوي دونتيفريس للصابون يوليو يبرقو، الله الله.
9/ال CD وال_DVD_ اللي تخبشو وقادرين يفسدولكم ويوليو فاسدين ومايخدموش مليح أمسحوهم بشوي دونتيفريس وامسحوهم بطرف قماش ناشف يتنحاولكم كامل الخبشات اللي فيهم.
10/الحديد ولا المكوا تلبخلكم بالوسخ والصديد، تقدري بكل سهولة تتهناي منهم تحكمي طرف قماش وتبليه بشوي ما وتحطي عليه الدونتيفريس وتحكي لحديد تاعك ومن بعد نشفيه بطرف قماس شايح ، توليلك الحديدة جديدة.
11/الفضة، لمغارف، لفراشط، الشماعات، وكل حاجة تاع الفضة تقدري تلمعيها، تهزي طرف قماش مبلول وتحطي عليه الدونتيفريس من بعد تمسحيهم بيه وتنشفيهم بطرف واحد آخر يكون ناشف.أولالا واتفرجي عالبروقية.
12/الخبشات اللي في التيليع¤زيون تقدري تنحيهم بطرف قطن وتحكي بيه التيليع¤يزيون وتعاودي تمسحي بطرف ناشف يولي 10/10.
13/الصبابط الموسخين والفازدين تقدري بشوي دونتيفريس وشيتة تمسحيهم يوليو هايلين، بلاما تخسريهم وطيشيهم حرام.
14/لي غوبيني تاع الدوش ولاع¤ابو والپوطاحي يوليو مضبين وواعرة باش تنضفيهم حطي شوي دونتيفريس في خزم لماعن وحكيهم بيه وشليهم ونشفيهم ، واتفرجي على وجهك فيهم ،يبرقو بريق .
15/هيا يا الفحلات تاعي ، مالصباح وانا نكتب :D، طيرت اصباعي على جالكم، :cool:وريوني حنة يديكم ;)
تحياتي
:mh31:
