أنتي عروسة جديدة زوجة و ربة بيت تفضلي اقرئي و تعلمي

السلام عليكم و رحمة الله أنت عروسة جديدة زوجة و ربة بيت تفضلي اقرئي و تعلمي:19:
راح نحطلكم #كلمات #حلويين تستعمليهم كي تهدري مع أي شخص باه يقولو عليك الله يبارك التربية واللسان الحلو:d. بسم الله نبدا:
💙💝💟💚💜💛💙💝💟💚💜💛💙
-كي يقولولك وش راكي دائما في فمك لباس الحمد لله.💜
-كي يقولولك سالي على فلان قولي يسأل عليك الخير والهنا💚
-كي يقولولك أنعم قولي نعمتك دايمة.💟
-كي يقولولك ماتعبيش روحك قولي تعبك راحة.💝
-كي يقولولك اتفضلي قولي يزيد فضلك.💚
-كي يقولولك الله يبارك قولي يبارك في سلامتك.💙
-كي يقولولك اشربي)أي حاجة ( قولي تعيش وتشرب من ماء زمزم💛
-كي يشكروك ويقولك زينة قولي يزين أيامك ويزيد في مقامك💜
كي يقلك وا حد جيتي باهية قولي يبهي عرضك ويعلي شانك💚
وكي تكوني قاعدة فالضلمة واجي واحد داخل عليك وشغل الضو قوليلو اضويها في وجهك💙
وكي تكوني راقدة واجي واحد اغطيك قوليلو يغطيك بالستر ولا يسترك بالجنة💟
وكي جيك ضيف وكي كون مروح ودجيبيلو صباطو عند رجلو💝 واقولك حاشاك قوليلو اعزك💜
كي تكملي صلاتك وقولك الله يقبل تقولي يتقبل منا ومنكم ولا اللهما اجمعين💚
كي تكونو قاعدين تتعشاو ولا تتغداو وتكملي ودجي رايحة قبل💙 ماتروحي قوليلهم هيا صحة عليكم اقولولك تعيشي💛
يعطيك الصحة و ربي يزين فعالنا و قوالنا كاملين💜
كي يقولولك صحيتي تقولي بلا مزية ولا بلا جميل💚
كي يقولولك زيدي كولي و تكوني شبعتي تقولي الحمد لله الله يقوي الخير💙
كي تروحي عند وحدة سكنت جديدة تقولي عتبة مبروكة ان شاء الله💛
كي تتلاقاي وحدة راح تزيد تقولي وقفة ساهلة ان شاء الله💟
كي وحدة تقولك عجبتني لبستك تقولي الله يسلمك ما يعرف للحطة غير ناسها💝
كي تصيبي جماعة قاعدين على مايدة الماكلة قولي الله يقنعكم وهما يردو ويقولو الله يلحقك💛
وكي تكون تهدر وتقطعو قول نقطع كلامك بالعسل💙
وكى يقوللك مرحبا قولو ترحب بيك الجنة💜
و كي يقولك واحد الله يعينك ... قولو يعينا و يعينك على شقا الدنيا💚
كي يقولك واحد الله يعاونك...قولو يرحم والديك💛
كي يقولك واحد الله يحفظك... قولو يحفظني ويحفظك ان شاء الله💜
ههههههه هادي زدتها من عندي :d😁😂👊😘💝💟
وادعولي دعوة خير😍

بالتوفيق:19:

أفكار قد تعينك على ترتيب المنزل و ربح الوقت

أخواتي الغاليات
نظرا لزمن السرعة الذي أصبحنا نعيش فيه ....... تحتم علينا البحث دائما على وسائل و طرق تسهل علينا طرق العيش و نكسب من خلالها الوقت لنصرفه في أمور مفيدة لحياتنا

و من أهم هذه الطرق السعي لتنظيم أمورنا الحياتية و الوسائل المبتكرة للتنظيم و لربح الوقت......
فمنذ فترة و أنا أبحث عن هذه الطرق و جمعتها في حاسوبي.......

و بعد انظمامي إليكم أردت أن أقاسمكم هذه الأفكار التي وجدتها عبر تصفحاتي الطويلة و التي أعجبتني خصوصا أنها بالصور و لا تحتاج إلى تعليق ......

كما أرجو أن نجعلها مرجعا لكل فكرة مفيدة و هادفة لمن أرادت أن تظم فكرة جديدة و مفيدة

و يسهل بذالك لأخواتنا زيارتها كلما دعت الحاجة و بدون مشقة
وليست صفحة للتواصل

و ستخص بإذن الله كل أرجاء المنزل

و سأضيفها تباعا باذن الله تعالى

كل وحدة تخير الفكرة اللي تريحها و تطبقها في منزلها

------- المطبخ -------

تحضيرات شهر رمضان الكريم

باسم الله و الحمد لله و لا حول و لا قوة الا بالله

اللهم صل و سلم على سيدنا محمد عليه افضل الصلاة و ازكى التسليم

اللهم أجعل أيام شعبان وأواخر شعبان جابرة للقلوب،، ساترة للعيون،، ماحية للذنوب،، مفرجه للكروب...
اللهم شوقنا لشهرك الكريم.. فيــــــــــــــا رب لا تحرمنا نحن وأحبتنا من صيامه وقيامه...
اللهم بلغنا رمضــــــــــــــــــــان لا فاقديــــن ولا مفقوديــــــــــــن... آمين يارب العالمين



ها قد اقترب شهر الرحمة والبركه شهر تسابق عليه الانبياء

وسعى للعمل به الاولياء واجتهد في كسب اجوره الصالحين والاتقياء


وحتى نكتب ان شاء الله به من العتقاء لابد ان نستعد له بكم غزير
من الاعمال......و كما هو معلوم فان مسؤولية ربة البيت في رمضان كبيرة و كبيرة جدا ....و حتى تتمكن ربة البيت من ان تكون ملمة بدنياها و دينها فوجب عليها ان تسطر برنامجا خاصا يساعد ها على ان تحوز على رضى ربها و زوجها و ان تقوم بمسؤوليات بيتها و ابنائها على اكمل وجه دون ان تقصر في واجباتها الدينية .

و هذا لن يتحقق الا بالتجهيز المسبق و التحضير لكل ما يساعدها على التقليل من الوقوف في المطبخ اثناء الشهر الكريم حتى تتمكن من اداء واجباتها الدينية دون التقصير مع عائلتها و بيتها


هنا سأعرض لكم بعض تحضيراتي يمكن ان تفيدكم و في المشاركات التالية سأجمع لكم افكار كثيرة و متنوعة لتعم الفائدة باذن الله


في منطقتنا في الجنوب الغربي اول شيء نبدا بتحضيره هو دشيشة الزرع او الشعير
اولا نغسلو الزرع و نشروه حتى ينشف

و نظفوه من الحجارة و الشوائب

و نغيزوه اي ندقوه بخفة في المهراز لتكسير الشوكة الموجودة فيه و بعدها نفضوه في الطبق

و بعدها نغربلوه على مراحل

و ايضا من اهم الاشياء هي حشايش لحريرة
عادة تحضرها الام و تقسم على بناتها او العجوزة و تقسم على كناينها
مكوناتها

قرطوفة (وزوازة)

بسباس

ازير البل او ازير المر

حبة حلاوة

و اضافات اخرى كل واحد و الذوق نتاعو كاين للي يضيف فليو و كاين للي يضيف شويا الال و شويا زعتر
نطحنوهم و نكثرو القرطوفة و نقللو ازير المر نجددوها كل شهر رمضان و تبقالنا العام كامل (نفتلو بيها المردود في الشتاء)



و ايضا نفتلو الطعام على جال السفة للسحور و لسهرات رمضان لازم تكون حاضرة

هاذي التحضيرات الاولى للي لازم نبكرو بيها و بعدها تحضير لبهارات


و هاذو البهارات








الصور من السنة الماضية و ان شاء الله راح نشارككم تحضيراتي خطوة بخطوة
راح نوجد راس الحانوت و بزار القهوة

اول شيء بديت بيه هو الثوم يبستو و طحنتو البارح خدمت كمية صغيرة لانو العام للي فات قعدلي بزاف


كنت راح نطيب خبز و غراتان فقلت نستغل سخونة الكوشة و نجفف شويا ثوم و شويا فلفل عكري



يتبع

فكرة

السلام عليكم و رحمة الله و بركاته

تحية عطرة لكل رائدات القسم

فكرة اليوم عيارة عن طريقة بسيطة لغلق الاكياس البلاستكية الخاصة بالتجميد

نملاء الكيس بما نريد سواء حمص او نوع من الخضار او لحم مفروم

نحاول ان نفرغ منه الهواء و نضع ورق المنيوم على الجانب الفارغ و المفتوح من الكيس و نمرر المكواة الساخنة مرة او مرتين فقط و سوف يغلق الكيس

مزيدا من التوضيح مع الصور ... اتمنى ان يستفيد الجميع