تدابير وافكار منزلية💡🔆

صباحكم سعيد لبنات:mh31:،جبتلكم تدابير وافكار منزلية💡🔆 تفيدكم بزاااف🍴.سورتو البنات لي مازال يتعلمو فنون الطبخ🍡🍲🍜::19:بنتهم بنتي:D
■باش يجوك لي بول تاع لحم بنان زيدي معاهم سمن ,
■وباش يبقالك زيتون لونو شباب غلي معاه القارص 🍋,
■كي يكون عندك بزاف ناس ولحم للبوراك قليل زيدي حبة بطاطا مغلية,
■وباش تجيك الغراتان بنينة ديري سمن للخضرة وخليهم 10 دقايق فالفور وبعدها ديري لاصوص لي تحبيها ,
■والفلفل كي تشويه فالفور دهنيه بزيت يجي بنين وساهل فالتقشار,
■ واللحم 🍖🍗كي تكون رح تحمريه دوزنيه قبل وخليه يريح فالفريجيدار باش يجي بنين كثر
■كي تنساي لا كوكوط😱😨 و تتحرق كيما راهي ما تحليها ما تنحيلها الصفارة حطيها في باسينة فيها ما بارد و خليها 10 دقايق⏰ كي تحليها تلقي الماكلة طلعت و بنة الحريق ماكاش...👌👍👍👍
■كي تقلي الحوت 🐟🐟حطي الخل فالزيت باش ماتطلقش الريحة فالكوزينة
■كي تقلي البوراك باه ميشربش الزيت ديري فص توم وباه تضمنيه يكون ناشف وقفي حبات في كسكاس لاه يقطر هداك زيت
■اذا كانت المقلة نتاعك تلسق سخنيها مليح فوق نار وديري الملح وحكيها ومسحيها برك واقلي فيها
■وباه تجيك لفريت بنينه كيف نتاع المطاعم 🍟كي تنقيها وطرفيها ديريها في ما دافي وشويه خل لمدت عشر دقايق وبعدها قليها على نار شوي عالية بلا تحراك حتا يتغير لونها للاصفر ذهبي قلبيها... المعنئ زوج تقليبات برك باه تطيب كل فرق وحدو ومتتعجنش
■كي ديري المعجنات كيما الخبز🍞 وباه يجيك السطح احمر ويلمع زيدي قطرات خل للبيض وادهني بيه معجناتك
■والخبز تاني باه تجيك فيه شوي قرمشة في الاخير كي تخلصي العجن زيديلو شوية من خميرة الحلويات
■وكي تحبي تخبي الخضر في المجمد مثل الجلبانة واللوبياء الخضراء ديري معاهم ورقات نعناع🌿🌿
■ تحبي تنشفي مرقة بيضاء ديري مغرف نشاء وعصير قارص 🍷
■والزيتون الاخضر باه تتنحالوا هذيك الملوحة دريلوا مغرفة فرينة وخليه...وبعد ساعة اغسليه بالماء
■و لاصوص تاع الطماطم زيديلها مغرفة سكر باه متجيكش قارسة.
إن شاء الله تستفدو و دعوة خير من عندكم 😘😘😘
و ماشي تقراي وتهربي :D
سلام