السلام عليكم ورحمة الله و بركاته
نصائح😘😘 .😘😍...
...متخليش قشك المنشور يبات برا خاصة الملابس الدا قبل المغرب دخليه ولوحيه فوق لباب ينشف
......متقعديش في وسط لجماعة توجور جي فلحاشية باه تشوفي الغمزات والحركات ومتكونيش فوسطهم كي لبهلولة
.....شعرك تمشطية وتهزيه من الارض اوك ومتخليهش يروح في قنوات صرف المياه هكذا ترباو جداداتنا وأمهاتنا وعمرهم تقاسو
.....جهازك تصدري وتنحي كيما حبيتي بصح يسموك تستري روحك ولفاليزا مسكرة وتدخل معاك ختك ول وحدة كونفيونس خاطر متعرفي الضربة منين تجيك
......متاكليش فضلة الناس اوك عمرك لاتاكلي فضلة عينك تاكلي كولي معاهم فنفس الطبسي ماشي يخلصو يلصقوه فيك
.....فراش راجلك وقشو واحد ميشوفو اوك احرزي روحك
......باب الدوش والتواليت ميباتش محلول
....الطلاسيم ولخرطي ممنوع عليك بالقرآن فقط والدعاء
....متكشفيش روحك توال نسا متعرفيهمش أو تعرفيهم استري روحك العين حق
....متتعرايش خارج دار محارمك
....متسلفيش حوايج وإذا طلبوك متعطي كان للي تثقي فيهم اوك
....أذكار الصباح والمساء
...الماء كي تحطيه عند راسك في الليل باه تشربي إذا عطشتي تغطيه
....متتخطايش الدم ولعظام
....بعد العصر ممنوع الدوش إلا للضرورة وخاصك تحصني روحك
....كي تعودي في جماعة ادي منهم الهدرة مش يديو منك
...لحديث قياس في اي جماعة تسمعي كثر من تهدري
...حصني دارك وولادك من كل حاجة
....جامي تهدري مع واحد مقلق ول تطلبي منو حاجة
....كي تعودي تمشي مدوريش رأسك منا ولهيه وإذا درتي دوري نتي كاملة
...كي تعودي قاعدة مع ناس كبر منك خاصك تقادريهم وتعدلي روحك أما إذا كانو قدك ديري كيما يديرو رجل فوق رجل
....متسمعيش لوحدة تجيبلك خبار خاطر ليوم حكاتلك غدوة تحكي عليك
...اصبري للفقر والشدة وقلة الحاجة ومتتحمليش الذل والرخس
...أسرارك خبيهم فقلبك ليك وحدك واحد ميسمع بيهم خاطر لحيوط بوذنيهم
....اللي عندها شحال من وجه بعدي عليها ومتصاحبيهاش
....صاحبي وحدة قد لمستوى تاعك ماهي طالعة عليك ماهي هابطة عليك
...متحقريش الزوالي ومتتكبريش عليه خاطر لمال يجي ويروح ومعرفة الرجال كنوز
....متتكبريش على النعمة وشوفي دايما اللي أقل منك وحمدي ربي
....إذا شكاولك متعاوديش وإذا امنوك متخونيش إذا شفتي ديري روحك مشفتيش اللي يستر مؤمن يسترو ربي
................ربي يفرحكم في هاد العام الجديد ويحققلكم كل ماتتمنو يااااارب💖💖
ليست هناك تعليقات:
إرسال تعليق